Spirit Airlines ավիաընկերության ինքնաթիռը ստիպված է եղել վերադառնալ օդանավակայան՝ սրահում տիրող անտանելի հոտի պատճառով, հաղորդում է Fox News-ը:
Airbus A320 օդանավը Նյու Ջերսիի Ատլանտիկ-Սիթիից պետք է թռչեր Ֆլորիդա նահանգի Թամփա քաղաք: Սակայն, թռիչքից որոշ ժամանակ անց, օդաչուները որոշել են վերադառնալ օդանավակայան, սրահում տարածված անսովոր հոտի պատճառով:
Ատլանտիկ-Սիթիում վայրէջքից հետո չորս բորտուղեկցորդուհիներին ինքնաթիռի սրահից հանել են պատգարակների վրա: Ավիաընկերությունը պարզաբանել է, որ դրանք միայն նախազգուշական միջոցներ են եղել:
Սակայն սա առաջին դեպքը չէ, երբ Spirit Airlines ավիաընկերության ինքնաթիռը արտակարգ վայրէջք է կատարում սրահում տարածված անտանելի հոտի պատճառով: Ապրիլին նույն փոխադրողի Մերիլենդից Ֆլորիդա չվերթ իրականացնող ինքնաթիռը վերադարձել է օդանավակայան՝ սրահում տիրող անտանելի հոտի պատճառով: Բարեհաջող վայրէջքից հետո յոթ ուղևորները տեղափոխվել են տեղի հիվանդանոցներ թունավորմամբ, սակայն նրանց վիճակի մանրամասները չեն բացահայտվել: