Իրանը բավարար չի համարում եվրոպական երկրների ձեռնարկած գործողությունները:
Իրանը, հուլիսի 7-ից հետո, կշարունակի կրճատել իր պարտավորությունների կատարումը իրանական միջուկային ծրագրի վերաբերյալ Գործողությունների համատեղ համապարփակ ծրագրի շրջանակներում: Այս մասին հայտնում է Tasnim News Agency-ը՝ վկայակոչելով իր աղբյուրը:
Նշվում է, որ միջուկային գործարքի մասնակից եվրոպական երկրների գործողությունները, ներառյալ INSTEX-ի գործարկումը, բավարար չեն պայմանագրի շրջանակներում Իրանի շահերն ապահովելու համար:
Ենթադրվում է, որ երկրորդ փուլում Թեհրանը այլևս չի պահպանի ուրանը 3.67%-ը չգերազանցող հարստացման պայմանը, ինչպես նաև կվերադառնա Արաքի միջուկային ռեակտորի արդիականացման նախնական պլանին, որն ընդունվել է մինչև գործարքի ստորագրումը և պոտենցիալ թույլ է տալիս զենքի դասի պլուտոնիումի արտադրությունը: