Ատիրաուսկի մարզում Թենգիզ նավթահանքում ղազախ և օտարերկրյա աշխատողների միջև ծեծկռտուքի հետևանքով տուժել է երեք տասնյակ մարդ, հաղորդում է «ՌԻԱ Նովոստին»՝ հղում անելով մարզի վարչակազմի մամուլի ծառայությանը:
Շաբաթ Сohsolited Contracting Endihering and Prourement S.A.L Offshore (CСЕР) ընկերության աշխատակիցները Թենգիզ ավանում հավաքվել և իրենց բողոքն էին արտահայտել WhatsApp-ի էջում Լիբիայի քաղաքացու կողմից վերջերս հրապարակված լուսանկարի վերաբերյալ: Հաղորդվում է, որ լիբիացի Էլի Դաուդը հրապարակել էր Ղազախստանից իր գործընկերոջ հետ լուսանկարը, որում նա իր ձեռքում պահում է ռացիան, որի ալեհավաքը գտնվում էր հետևում կանգնած կնոջ շուրթերի հետ նույն հարթության վրա:
Հաղորդագրության մեջ ասվում է, որ նավթահանքի բուժկետում բուժօգնություն է տրամադրվել 30 տուժողներին. այժմ նրանց կյանքից ոչինչ չի սպառնում:
Զոհեր չկան:
Ավելի ուշ ինքը՝ Էլի Դաուդը, ձայնագրել էր տեսանյութ, որում ներողություն էր խնդրել լուսանկարի համար, հաղորդում է Sputnik-Ղազախստանը:
«Բարև Ձեզ: Հարգելի ակիմատ, նախագահ, ղազախ ընկերներ և Ղազախստանի ժողովուրդ, ես ձայնագրում են այս տեսաուղերձը երկու փաստի առիթով ներողություն խնդրելու համար: Նախ, ցանկանում են ներողություն խնդրել լուսանկարի համար. ես պարզապես լուսանկարում էի գործընկերոջս, չէի ցանկանում և նկատի չունեի բացասական ոչինչ: Պարզապես գործընկեր է: Այնուհետև ներողություն եմ խնդրում ղազախ ժողովրդից: Ես ապրել և աշխատել եմ ձեզ հետ երկու տարի. Ղազախստանում հաճելի է աշխատել: Ես չեմ ցանկացել վիրավորել որևէ մեկին, դուք հիանալի մարդիկ եք: Խնդրում եմ, ընդունեք իմ ներողությունը»,- ասվում է Էլի Դաուդի տեսանյութում:
