SpaceX ընկերության 60 արբանյակներից երեքը, որոնք արձակվել են տիեզերք մայիսին՝ Երկրի բնակիչներին ապահովելու համար համացանցի լայնագոտի հասանելիությամբ, կորել են: Այս մասին հաղորդում է Business Insider-ը՝ հղում անելով SpaceX-ի հայտարարությանը:
Արբանյակները կորցրել եբ Երկրի հետ կապը և դադարեցրել են գործառույթները: Տեղի ունեցածի պատճառները ընկերությունը չի բացահայտում:
Մնացած 57 արբանյակները սարքին են, սակայն վերջնական ուղեծիր դուրս են եկել նրանցից միայն 45-ը: Եվս երկու արբանյակներ միտումնավոր են արձակվել Երկիր՝ մինչև ծառայության ժամկետի ավարտը դրանց շահագործման գործընթացը փորձարկելու նպատակով:
Արբանյակները Falcon 9 հրթիռակրով ուղեծիր են դուրս բերվել մայիսի 24-ին՝ Starlink առաքելության շրջանակներում, որը կոչված է ապահովել գլոբալ հասանելիություն համացանցին: Հաղորդվել է, որ տիեզերական սարքերի արձակումը բարեհաջող է անցել: