Սիրիացի զինվորականները Հոմս նահանգից հյուսիս գտնվող Ռաստան քաղաքում գործողության ժամանակ գտել են գանձերով թաքստոց: Այս մասին հայտնել է երկրի հնագույն իրերի դեպարտամենտի և թանգարանների փորձագետ Լուբաբա ալ-Ալին՝ փոխանցում է SANA-ն:
Ընդհանուր առմամբ հայտնաբերվել է ավելի քան 100 արժեքավոր իր: Մասնավորապես, տարբեր չափերի կավե ամանների և ջահերի հնագույն հավաքածու: Այնտեղ եղել են նաև առյուծի արձան և տարբեր հնագույն քարեր:
«Օնիքսե կնիքներից մեկում մենք հայտնաբերել ենք եգիպտական հիերոգլիֆներ»,- հավելել է ալ-Ալին: Փորձագետի խոսքով՝ գտնված արժեքավոր իրերը կարող են մաքսանենգորեն ուղարկել արտասահման: