Լուրեր
Սայլը տեղից շարժվում է․ մշակույթի ոլորտի գնումների ընթացակարգերում նուրբ փոփոխություններ պետք է արվեն

«Մշակութային ոլորտում առկա խնդիրները շատ են, կան և՛ արհեստական խնդիրներ, և՛ օբյեկտիվ, բայց դրանք լուծելի են: Հիմնականում օբյեկտիվ խնդիրները կապված են օրենսդրական դաշտի հետ, կարելի է օրենսդրական կարգավորումներով լուծել այդ խնդիրները, ինչի շուրջ աշխատում ենք… Սայլը տեղից շարժվում է, աշխատանքներ են իրականացվում Ֆինանսների նախարարության հետ… Սայլը տեղից շարժվում է, գնումների ընթացակարգերում նուրբ փոփոխություններ պետք է արվեն»,- այս մասին «Առաջին լրատվական»-ի հետ զրույցում ասաց կրթության, գիտության, մշակույթի և սպորտի փոխնախարար Նարինե Թուխիկյանը:

Շատերը պնդում են, որ մշակույթի նախարարության անհրաժեշտություն չկա, մշակույթն ինքը կարող է հարթել իր ճանապարհը, ընդ որում՝ առանց պետական կառույցների՝ շատ ավելի լավ: Անդրադառնալով այս դիտարկմանը՝ Ն. Թուխիկյանը նշեց. «Իսկ ի՞նչ վատ կլինի, եթե մշակույթն օգնող ունենա՝ ի դեմս կառավարության համապատասխան գերատեսչության: Եթե այդ կառույցը պետք է խոչընդոտ լինի, այո՛, այն պետք չի լինի, բայց եթե պիտի օգնի, ինչո՞ւ չլինի: Մենք երբեք չենք ասելու՝ ձեր շեֆն ենք, չենք ասելու՝ այսպես պիտի անեք… Նախարարությունը պետք է պայմաններ ստեղծի, խնդիրները կարգավորի, որ գործն առաջ գնա»:

Փոխնախարարը նկատեց, որ հնարավոր չէ բավարերել բոլորի ամբիցիաները, և հավաստիացրեց. «Գրպանային արեստագետներ չենք տեսնելու»:

Մանրամասն՝ տեսանյութում:

  • Դիտումներ՝ *