Վրաստանի ազգային բանկը գնահատել է երկրի տնտեսության վնասը Ռուսաստանից զբոսաշրջային հոսքի ակնկալվող կրճատման դեպքում, հաղորդում է «ՌԻԱ Նովոստին»:
Ըստ գերատեսչության տվյալների, մինչև 2019 թ.-ի վերջը երկրի տնտեսությունը 200-300 միլիոն դոլարի վնաս կկրի:
«Ըստ նախնական հաշվարկների՝ տարվա մնացած ժամանակահատվածում Ռուսաստանից զբոսաշրջային հոսքի կրճատումը տնտեսությանը մոտավորապես 200-300 միլիոնի վնաս կհասցնի»,- ասվում է ազգային բանկի հաղորդման մեջ:
Ազգային բանկի փորձագետների կարծիքով, այս արտաքին շոկը բացասաբար կանդրադառնա վճարումների հաշվեկշիռի և լարիի փոխարժեքի վրա:
Ավելի վաղ հաղորդվել էր, որ վնասը կարող է շուրջ 750 մլն դոլար կազմել: