ՌԴ-ի Անվտանգության խորհրդի քարտուղար Նիկոլայ Պատրուշևը Սիրիայի շուրջը եռակողմ հանդիպման բացման արարողությանը, որին, նրա հետ մեկտեղ մասնակցում են ազգային անվտանգության հարցերով ԱՄՆ-ի նախագահի օգնական Ջոն Բոլթոնը և Իսրայելի Ազգային անվտանգության խորհրդի ղեկավար Մեիր Բեն Շաբաթը, հայտարարել է Սիրիայի ինքնիշխանության և տարածքային ամբողջականության պահպանման անհրաժեշտության մասին: Պատրուշևը նաև հայտնել է Սիրիայի իրադրության կարգավորման հարցերի մեծ մասի շուրջն առկա համաձայնության մասին:
«Ես լիովին համաձայն եմ (Իսրայելի) վարչապետ (Բենիամին) Նաթանյահուի այն դիքորոշմանը, թե ինչ վիճակում պետք է լինի Սիրիան մեր աշխատանքի արդյունքում, ինչպես նա ասաց՝ խաղաղ և անվտանգ, իսկ ես ցանկանում եմ հավելել, որ պետք է ապահովվի Սիրիայի ինքնիշխանությունը, անկախությունը, տարածքային ամբողջականությունը,- նշել է Պատրուշեւը:- Նաև Սիրիան պետք է համապատասխանի ՄԱԿ-ի Կանոնադրությանը»:
Խոսելով սիրիական կարգավորման մոտեցումների մասին՝ Պատրուշևը նշել է. «Մենք համաձայնության եկանք (այն հարցերի) մեծ մասի շուրջը, թե վերջին հաշվով ինչպիսին ենք մենք ցանկանում տեսնել Սիրիան»: «Այն բանի շուրջ, թե դա ինչպես անել, մենք պետք է երկխոսություն վարենք»,- հավելել է նա, հաղորդել է ՏԱՍՍ-ը: