Այսօր՝ հունիսի 25-ին, Ազգային ժողովը շարունակում է արտահերթ նիստի աշխատանքները: Այժմ քննարկվում է Արարատ Միրզոյանի ներկայացրած՝ ԱԺ կանոնակարգ սահմանադրական օրենքում լրացումներ կատարելու մասին օրենքի նախագիծը և կից ներկայացված օրենքների փաթեթը 1-ին ընթերցմամբ ընդունելու մասին հարցը:
«Պարոն Միրզոյան, Դուք ձեռնամուխ եք եղել նաև վեթինգի գործընթացի իրագործմանը, և ակնհայտ է, որ կոռուպցիայի կանխարգելման հանձնաժողովին պատվիրակում եք վեթինգի շատ կարևոր մի բաղադրիչ: Ասացիք, որ խորհրդատվական կարգ եք վերապահում հանձնաժողովին բարեվարքության մասով: Ինչո՞ւ խորհրդատվական, ի՞նչ ուժ է ունենալու այդ խորհրդատվական եզրակացությունը, և ինչպե՞ս է սահմանվելու այդ բարեվարքության ստուգման շրջանակը: Ունե՞նք ընդհանուր առմամբ պատկերացում»,- Արարատ Միրզոյանին հարցրեց «Լուսավոր Հայաստան» խմբակցության պատգամավոր Արման Բաբաջանյանը:
Պատգամավորը, արձագանքելով Արարատ Միրզոյանի պատասխանին, ասաց. «Ես կարծում եմ՝ մենք հիմա աչքը հանելու գործընթացի մեջ ենք՝ այն առումով, որ աջափսանդալ ենք սարքում: Վեթինգի մասին առանձին օրենք ունենալու փոխարեն փորձում ենք տարբեր օրենքներով վեթինգ իրականացնել՝ այն դեպքում, երբ մենք կարող էինք լրիվ առանձին մարմին ունենալ»:
Մանրամասները՝ տեսանյութում: