«Մամուլի հետ սուրճ» հաղորդման հունիսի 25-ի հյուրը «Իմ քայլը» խմբակցության պատգամավոր Լուսինե Բադալյանն է։
Մեր զրուցակիցն անդրադարձավ Ռոբերտ Քոչարյանի հարցազրույցին և հատկապես այն հատվածին, երբ մեղադրյալի կարգավիճակ ունեցող պաշտոնաթող նախագահը խոսում է այս իշխանություններին ընդդիմություն լինելու մասին.«Եթե ինձ եք հարցնում՝ես այսպիսի ընդդիմություն չէի պատկերացնում։ Ես ինձ համար արդեն ձևավորվել եմ արտախորհրդարանական ընդդիմության իմ տեսլականը և կան դրան համապատասխանող քաղաքական ուժեր, որոնք խորհրդարանից դուրս շատ կառուցողական են քննադատում։ Եվ շատ կարևոր է ինձ համար, որ արտախորհրդարանական այդ տիպի ընդդիմությունը կարողանա զարգանալ, ավելի ամրապնդվել ու հիմնավորվել, պայքարել հաջորդ խորհրդարանական ընտրությունների ժամանակ ու լինել խորհրդարանում։Իսկ այսպիսի ընդդիմություն մի քիչ դժվար է պատկերացնել, բայց դա չի նշանակում, որ սա ողբերգություն է»։
Ըստ Բադալյանի՝ հեղափոխականները իրենց հայացքը դեպի ապագան են ուղղում, պայքարել են, որ անցյալում եղածը հաղթահարվի ու նայում են դեպի ապագա.«Շատ դժվար է համակերպվել այն հնի հետ, որի դեմ պայքարել է հեղափոխական թիմը։ Այս դեպքում դժվարանում եմ նույնիսկ կիրառել ընդդիմություն եզրույթը»։
Հարցազրույցն ամբողջությամբ՝ տեսանյութում
