Վրաստանի նախկին նախագահ Միխայիլ Սահակաշվիլին կոչ է արել երկրում արտահերթ խորհրդարանական ընտրություններ անցկացնել, հաղորդում է «Georgia-online»-ը:
Ինչպես նշվում է, Սահակաշվիլին այդ մասին ասել է այն բանից հետո, երբ իշխող կուսակցության առաջնորդ Բիձինա Իվանիշվիլին հայտարարել է, որ «Վրացական երազանք» կուսակցությունը որոշել է ընտրություններն անցկացնել 2020 թ.-ին:
Սահակաշվիլին այդ առաջարկը «հիմար» է անվանել և ընդգծել, որ բոլոր նրանք, ովքեր կհամաձայնեն դրան «կամ հիմար են, կամ ծախված»:
Երկրի նախկին ղեկավարի կարծիքով Թբիլիսիում ցուցարարները պետք է պահանջեն համամասնական ընտրակարգով արտահերթ խորհրդարանական ընտրությունների անցկացում, ինչպես նաև Կենտրոնական ընտրական հանձնաժողովի ղեկավար Թամարա Ժվանիայի պաշտոնանկությունը:
Ավելի վաղ հաղորդվել էր, որ Վրաստանի ՆԳՆ-ն աշխատանքից հեռացրել է հանրահավաքը ցրող ոստիկանության 10 աշխատակիցների: