«Աստանայում ԵԱՀԿ գագաթնաժողովում կարելի է հակամարտության կարգավորման արդյունքներ ակնկալել»,- ասել է Ադրբեջանի խորհրդարանի փոխնախագահը` ըստ ադրբեջանական Trend-ի:
«Մենք շատ բան ենք ակնկալում ԵԱՀԿ գագաթնաժողովից, որը կայանալու է նախորդ գագաթնաժողովից 10 տարի հետո»,- ասել է Բահար Մուրադովան: Նրա խոսքով` ԵԱՀԿ Մինսկի խմբի գործունեությունն ընդլայնվել է գագաթնաժողովի նախաշեմին:
«Նախագահները բազմիցս հանդիպել են ղարաբաղյան հակամարտության կապակցությամբ: Եթե հաշվի առնենք, որ Ռուսաստանի ջանքերն ավելացել են, կարելի է ակնկալել ինչ-ինչ արդյունքներ»,- ասել է Մուրադովան: Նա նշել է, թե ՌԴ նախագահ Դմիտրի Մեդվեդևն ասել է, որ գագաթնաժողովի շրջանակներում կարող են սկզբունքները համաձայնեցվել և փաստաթուղթ ընդունվել :
«Իհարկե, եթե նման փաստաթուղթ ստորագրվի, դա հրաշալի բազա կլինի բանակցային գործընթացի հերթական փուլի համար: Դրա համար կարևոր է Հայաստանի կողմից կառուցողական դիրքորոշման արտացոլումը»,- ասել է Մուրադովան: