Բելառուսի մայրաքաղաք Մինսկի «Դինամո» մարզադաշտում կայացավ Եվրոպական երկրորդ խաղերի բացման հանդիսավոր արարողությունը:
Բացման պաշտոնական արարողության կայացմանը մասնակցել են 500 արտիստներ և 700 կամավորներ: Նախ կազմակերպիչները հանդիսության առաջին հատվածում ներկայացրել են երկրի մշակութային առանձնահատկությունները, որին հաջորդել է մարզիկների մուտքը մարզադաշտ: Բացման արարողության ժամանակ Հայաստանի դրոշը պահելու պատիվ տրված է եղել Եվրոպայի չեմպիոն, աշխարհի առաջնության բրոնզե մեդալակիր բռնցքամարտիկ Հովհաննես Բաչկովին: Հանդիսության գագաթնակետը՝ կրակի վառվան գործընթացն էր, որով էլ եզրափակվել է բացման պաշտոնական արարողությունը:
Եվրոպական երկրորդ խաղերին մասնակցում են 50 երկրի մոտ 4000 մարզիկներ: Եվրոպական խաղերի շրջանակում անցկացվում են երկու մարզաձևի Եվրոպայի առաջնություններ, իսկ 8 մարզաձևերը կլինեն Տոկիոյի 2020 թվականի Օլիմպիական խաղերի համար որակավորում տվող:
Հայաստանը Եվրոպական երկրորդ խաղերին մասնակցում է 37 մարզիկով: