Վրաստանում բողոքի ցույցը ցրելու ոստիկանական ակցիայի ժամանակ վրացական տարբեր ԶԼՄ-ների 31 ներկայացուցիչ է տուժել։ Այս մասին ասվում է Վրաստանի լրագրողական էթիկայի խարտիայում, փոխանցում է «Գրուզիա օնլայն»-ը։
Հինգշաբթի զանգավածային հակակառավարական ակցիայի ժամանակ ոստիկանությունը ցուցարարների դեմ արցունքաբեր գազ և ռետինե փամփուշտներ է կիրառել։ Կեսգիշերին Ռուսթավելի պողոտայում ակցիան սկսել է ցրել հատուկ նշանակության ջոկատը, ջրցաններ են գործի դրվել։
Հանրահավաքի ժամանակ ընդհանուր առմամբ 240 մարդ է տուժել, ներառյալ՝ 80 ոստիկան։
Խարտիայի տեղեկատվությամբ՝ բոլոր տուժած լրագրողները ռետինե փամփուշտներով են վիրավորվել։ Օրինակ՝ Civil.ge պարբերականի լուսանկարիչ Գուրամ Մուրադովի ուղղությամբ 11 փամփուշտ են կիրառել, իսկ «Ռուսթավելի 2» հեռուստաալիքի լրագրող Թամար Բագաշվիլիի ուսը կոտրվել է և նրան վիրահատություն է անհրաժեշտ եղել։ «Ռուսթավի 2»-ի հսկիչ ծառայության անդամ Գեորգի Սուլաշվիլին կորցրել է աչքը, կոտրվել է նրա ծնոտը, և նրան ևս անհապաղ վիրահատական միջամտություն է անհրաժեշտ եղել։
Խարտիան նշել է տուժած լրագրողների անունները և պահանջել յուրաքանչյուր դեպքի հետաքննությունը։
