Թատրոնն աշխարհի փոքր մոդելն է, որը գեղարվեստական միջոցներով ներկայացնում է իրականությունը: Ինչպիսին է թատրոնի արձագանքը մեր իրականությանը: Այս թեմայի շուրջ «Առաջին լրատվական»-ի հետ զրուցում, անդրադառնալով հարցին, թե որքանով է այսօր մեր թատրոնը քայլում ժամանակին համընթաց, ռեժիսոր, դերասան Սամսոն Ստեփանյանը նշեց. «Մեր թատրոնը դժբախտաբար դեռ գտնվում է անցյալ դարում: Խնդիրը միայն այն չէ, որ ժամանակներն արագացել են, աշխարհը փոխվում է օրեցօր, և քաղաքականությունը եկել է առաջին պլան, տիրում է անհանգստություն ամբողջ աշխարհով մեկ… Այստեղ թատրոնը մղվել է 10-րդ պլան, բայց արդեն իսկ 10-րդ պլան էր մղվել 90-ականներին, բայց այն ժամանակ օբյեկտիվ պատճառներ կային, առկա էին կենսական խնդիրներ՝ մարդիկ չունեին սնունդ, հագուստ, ջերմություն, պետությունը նոր էր կառուցվում, հասարակությունը քաոսային վիճակում էին:
Ըստ էության՝ հզոր թատրոն ունենում են միայն հզոր պետություններ: Մեր պետությունը դեռ չի գտել թատրոնի օգտագործման ռազմավարությունը՝ ի նպաստ մեր երկրի: Քանի դեռ սա չի գտնվել, թատրոնը կգտնվի տարերային վիճակի մեջ»:
Սամսոն Ստեփանյանը նաև ընդգծեց, որ դեռևս մշակված չեն կանոններ, օրենք, թե ինչպես կարող է մշակույթը դառնալ ռազմավարական սուբյեկտ, «որպեսզի աշխարհը ճանաչի քեզ, որպեսզի աշխարհին ներկայանաս ոչ միայն որպես հզոր, հաղթանակած երկիր, այլ նաև որպես հզոր մշակույթի տեր»:
Մանրամասն՝ տեսանյութում: