«Մեր միջև բավականին լուրջ տարաձայնություններ կան: Ընդհանուր առմամբ, կարող եմ ասել, որ առաջարկները նույնն են: 15 տարի մենք տեսնում ենք նույն գաղափարները, խաղաղության նույն ծրագիրը»:
Այս մասին լրագրողներին հայտարարել է Ադրբեջանի արտգործնախարար Էլմար Մամեդյարովը Վաշինգթոնում Հայաստանի արտգործնախարար Զոհրաբ Մնացականյանի հետ հանդիպումից հետո, մեկնաբանելով ԵԱՀԿ Մինսկի խմբի համանախագահների նոր առաջարկները:
Նախարարը նշել է, որ հանդիպման ընթացքում անցկացվել են «ինտենսիվ և խորը» բանակցություններ, հավելելով, որ համանախագահները լրացուցիչ փաստաթղթեր են տրամադրել ավելի բովանդակալից բանակցությունների համար:
«Դետալների մեջ որոշ տարաձայնություններ կային, բայց, ինչպես ասում են, քննարկումների ժամանակ ամենակարևորը դետալներն են: Մենք հասկանում ենք, որ ավելի շատ քաղաքական կամք դրսևորելու անհրաժեշտություն կա: Շփման գծում տիրող իրավիճակը չպետք է խոչընդոտի դեկլարացիայի կամ խաղաղության պայմանագրի առաջընթացին»,- ՆԳՆ ղեկավարին մեջբերում է «Ռեպորտը»: