Այսօր՝ հունիսի 21-ին, հրավիրվել է Ազգային ժողովի արտահերթ նիստ: Այժմ քննարկվում է «Լուսավոր Հայաստանի» կողմից ներկայացված՝ Քրեական դատավարության օրենսգրքում փոփոխություններ և լրացում կատարելու մասին օրենքի նախագիծը 1-ին ընթերցմամբ ընդունելու մասին հարցը:
Ինչպես նշեց «Իմ քայլը» խմբակցության պատգամավոր Սուրեն Գրիգորյանը՝ որոշ ընդդիմադիր գործընկերներ անընդհատ խոսում են ոչ կառուցողական մթնոլորտի մասին. «Այս նախագծի քննարկումը ընդդիմություն-իշխանություն-կառավարություն կառուցողական աշխատանքի շատ լավ օրինակ է»:
Նա ընդդիմությանն առաջարկեց խոսել նաև կառուցողական դեպքերի մասին:
«Լուսավոր Հայաստան» խմբակցության պատգամավոր Տարոն Սիմոնյանը հաստատեց, որ նախագիծը կառուցողական աշխատանքի արդյունք է. «Օգնում են նաև մեր նախկին իրավաբանական կապերը, որ այդ կառուցողական երկխոսությունները ավելի բարձր մակարդակում կազմակերպվեն»:
Նա իշխանական իր գործընկերներին հորդորեց այս օրինակը որպես օրինակ ներկայացնել. «Որպեսզի այս օրինակի վրա հետագայում իրենք կառուցողական քննարկումներ կազմակեպեն»:
Մանրամասները՝ տեսանյութում: