Վարչապետի պաշտոնի համար պահպանողական կուսակցության անցկացրած քվեարկության վերջնական փուլից հետո թեկնածուներից մնացել են նախկին արտգործնախարար Բորիս Ջոնսոնն ու ներկայիս արտաքին գործերի նախարար Ջերեմի Հանթը, երրորդ թեկնածուն՝ Մայքլ Գոուվը դուրս է մնացել մրցավազքից, հաղորդում է Reuters-ը:
Քվեարկության արդյունքներով առաջատարը Ջոնսոնն է. նա ստացել է 160 ձայն, իսկ Հանթն ու Գոուվը, համապատասխանաբար, 77 և 75: Հուլիսի վերջին Ջոնսոնի և Հանթի միջև ընտրություն կկատարեն երկրի պահպանողական կուսակցության ավելի քան 160.000 անդամներ:
Քվեարկության նախորդ փուլում մրցավազքից դուրս են մնացել ներքին գործերի նախարար Սաջիդ Դավիդը, իսկ նրանից առաջ՝ միջազգային զարգացման նախարար Ռորի Ստյուարտը:
Փորձագետների կարծիքով, Ջոնսոնը կարող է դառնալ Բրիտանիայի կառավարության հաջորդ ղեկավարը, նաև այն պատճառով, որ նա ի սկզբանե Եվրամիությունից դուրս գալու կողմնակից էր, իսկ Հանթը նախ դեմ է արտահայտվել այդ որոշմանը: