Paramount Pictures կինոընկերությունը, որը պատկանում է Viacom կոնգլոմերատին, կստեղծի անիմացիոն ֆիլմերով զբաղվող բաժանմունք: Այս մասին գրում է Bloomberg-ը: Առաջին անիմացիոն ֆիլմերը պատրաստ կլինեն 2014 թ.-ին:
Ընկերությունն ամեն տարի կարտադրի մեկ անիմացիոն ֆիլմ, որի համար կհատկացնի 100 մլն դոլար: Ինչպես պատմել է Paramount Pictures ընկերության գործադիր տնօրեն Բրեդ Գրեյը, ընկերությունը ուշադրությունը սևեռելու է ընտանեկան դիտման համար ֆիլմեր ստեղծելուն: Paramount Pictures ընկերությունը նոր խումբ ստեղծելու շնորհիվ մտադիր է դուրս գալ ընտանեկան ֆիլմերի շուկա, որոնք ձեռք են բերում ավելի ու ավելի տարածվածություն: Գրեյի խոսքերով, ընկերությունը պլանավորում էր անիմացիոն ֆիլմերով զբաղվող խումբը ստեղծել դեռևս 2005 թ.-ին:
Գրեյը հավելել է, որ Paramount Pictures ընկերության համար կարևոր հարց էր նոր խմբի ստեղծման ժամանակը: «Հիմա ամենահարմար ժամանակն է, քանի որ տեխնոլոգիաները թույլ են տալիս դրանք անել մտածված և բանական», – ավելացրել է նա:
Paramount Pictures-ի անիմացիոն խումբը կդառնա DreamWorks-ի լուրջ հակառակորդը: Երկու ընկերությունների միջև կնքված պայմանագրի համաձայն, որը սպառվում է 2012 թ.-ին, DreamWorks Animation ֆիլմերի վաճառքով զբաղվում է Paramount Pictures ընկերությունը:
