Թուրքիայի նախագահ Աբդուլլահ Գյուլը ՆԱՏՕ-ի լիսաբոնյան գագաթնաժողովից վերադառնալիս ինքնաթիռում զրուցել է լրագրողների հետ: Ընդհանուր առմամբ, նա գոհունակություն է հայտնել գագաթաժողովի արդյունքների առնչությամբ: Թուրքական Hurriyet պարբերականի տեղեկացմամբ` Գյուլը ԱՄՆ նախագահ Բարաք Օբամայի հետ ունեցած իր կարճատև հանդիպման վերաբերյալ ասել է հետևյալը. «Օբամայի հետ խոսել ենք ԱՄՆ Կոնգրեսում Թուրքիայի դեմ ուղղված խոչընդոտների` կոնգրեսում առկախված անօդաչու ինքնաթիռների ու «սուպեր կոբրաների» հարցերի մասին: Անդրադարձ եղավ Անկարայում ԱՄՆ դեսպան դեռևս չնշանակելու խնդրին: Իրաքի հարցում մեզ շնորհակալություն հայտնեց: Իրանի հարցում էլ լսեց ու փորձում են ըմբռնումով մոտենալ: Հավաստիացրել եմ, որ Թուրքիան այդ հարցում կանի ամեն հնարավորը»:
