«Ես լիովին կիսում եմ մեր համաքաղաքացիների անկեղծ վրդովմունքը Վրաստանի խորհրդարանում տեղի ունեցած իրադարձությունների կապակցությամբ», – ասվում է «Վրացական երազանք» կուսակցության նախագահ Բիձինա Իվանիշվիլու հայտարարության մեջ, որը Ֆեյսբուքում տարածվել է «Վրացական երազանք» մամուլի ծառայության կողմից՝ գրում է apsny.ge-ն:
«Անընդունելի է, որ զավթիչ պետության ներկայացուցիչը Վրաստանի խորհրդարանում ղեկավարի որևէ ֆորում, դրան պետք է անպայման արձագանքել: Ինչպես ինձ տեղեկացրին, դա կազմակերպական սխալ է եղել, որի քաղաքական նշանակությունը, ցավոք, կազմակերպիչների կողմից հաշվի չի առնվել, և համապատասխան արձագանք պետք է լինի: Ես արդեն խոսել եմ խորհրդարանի նախագահի հետ, արտահայտել եմ իմ կոշտ դիրքորոշումը, եւ, իհարկե, իմ առաջարկը եղել է այդ նիստի անհապաղ դադարեցումը», – ասել է Իվանիշվիլին: