ԱՄՆ Հարավային Կարոլինա նահանգի բնակիչը ջեք փոթ է շահել իր ծննդյան օրը, հաղորդում է UPI լրատվական գործակալությունը:
Դենիս Ռեսլերը որոշել էր հոբելյանը նշել տեղի խանութներից մեկից Carolina Millions վիճակախաղի տոմս ձեռք բերելով: Ի զարմանս նրա, շահումը մեկ միլիոն դոլար է կազմել:
Ռեսլերը կարծում է, որ տեղի ունեցածն անհավանական է: «Սա կարող է փոխել իմ կյանքը»,- ասել է նա: Ամերիկացին ծրագրում է մի քանի տարի հետո թոշակի անցնել, բայց կշարունակի մասնակցել խաղարկությանը:
Ավելի վաղ հաղորդվել է, որ ԱՄՆ Միչիգան նահանգի Պորտլենդ քաղաքում տղամարդը ջեք փոթ է շահել հերթում կանգնած անծանոթուհու խոսքերի շնորհիվ: Ամերիկացին նախատեսում է դրամական շահումով ուղևորվել Կոլորադո: Նրա խոսքերով, վիճակախաղում հաղթանակը նրան օգնել է ազատվել սթրեսից և ավելի լավ ինքնազգացողություն ունենալ:
