Այսօր՝ հունիսի 20-ին, շարունակվում է Ազգային ժողովի նիստը: Այժմ ՍԴ ամբիոնից երդվում է ՍԴ դատավոր ընտրված Վահե Գրիգորյանը:
«Սա վերջին տասնամյակներում առաջին անգամ ժողովրդի կամարտահայտությամբ ընտրված Ազգային ժողովի կողմից ընտրված բարձր դատական պաշտոն է: Այս պաշտոնում իմ ընտրությունը երկար ճանապարհ է անցել՝ շուրջ մեկ տարի»,- հայտարարեց Վահե Գրիգորյանը:
Նրա խոսքով՝ այդ պաշտոնի ծանրությունը պայմանավորված է այն հանգամանքով, որ ՍԴ-ն դեռ շարունակում է գործել անցումային տրամաբանությամբ. «Եվ դրանով ՍԴ-ն իր կազմով արդեն իսկ ունի սահմանադրականության ճեղքեր, որոնք ես մտադիր եմ քննարկել ՍԴ իմ գործընկերների և ՍԴ դատավորի հետ»:
«Այս երդումը տալով՝ ես դառնալու եմ ՍԴ երկրորդ դատավորը: ՍԴ դատավորի երդման տեքստը խիստ հակիրճ է, և դրա արտաբերմամբ ես չեմ կարողանալու ամբողջությամբ արտահայտել այն, ինչ նկատի եմ ունենալու: Ես իմ երդումը տալիս եմ բացառապես հայ ժողովրդին: Մենք պետք է հաշվի նստենք ժողովրդի զորության հետ, բայց պիտի արձանագրենք, որ այդ զորությունը ստորադաս է սահմանադրի կամքին: Իսկ ՀՀ-ում սահմանադիրը բացառապես հայ ժողովուրդն է»,- ասաց Վահե Գրիգորյանը:
Նա ընդգծեց, որ ինքն այս դահլիճում է թողնելու իր բոլոր նախկին կապվածություններն ու պայմանավորվածությունները:
Մանրամասները՝ տեսանյութում:
