Այսօր՝ հունիսի 20-ին, շարունակվում է Ազգային ժողովի նիստը: Այժմ քննարկվում է Տեղեկատվական անվտանգության ապահովման ոլորտում ՀԱՊԿ անդամ պետությունների համագործակցության մասին պայմանագիրը վավերացնելու մասին օրենքի նախագիծը:
Դիմելով ԱԱԾ տնօրեն Արթուր Վանեցյանին՝ «Լուսավոր Հայաստան» խմբակցության պատգամավոր Մանե Թանդիլյանը նշեց. «Ո՞ր մարմիններն են որոշելու, թե ինչ տեղեկատվություն է փոխանցվելու: Արդյոք մենք կարո՞ղ ենք համոզված լինել, որ փոխանակվող տեղեկատվությունը անվտանգության խնդիր չի առաջացնի: Կիբերանվտանգության ինչպիսի՞ երաշխիքներ կան, ներդրվո՞ւմ են բավարար մեխանիզմներ, որ նման արտահոսքը բացառվի: Կամ եթե արտահոսք լինի, ի՞նչ ազդեցություն կարող է այն ունենալ»:
Ի պատասխան՝ Վանեցյանն ասաց. «Խոսքը մեր ներքին տեղեկատվության մասին չէ: Չեմ կարծում, որ այստեղ լինեն ուղիղ տեղեկություններ, որոնք կազդեն ՀՀ անվտանգության վրա»:
Մանրամասները՝ տեսանյութում: