«Ֆորմուլա-1»-ի նոր մրցաշրջանը մեկնարկեց Ավստրալիայի Մեծ մրցանակով, որի հաղթող դարձավ «Մերսեդես»-ի ներկայացուցիչ Նիկո Ռոսբերգը: «Ռեդ Բուլ»-ի ավտոարշավորդ Դանիել Ռիկարդոն զբաղեցրեց երկրորդ տեղը, իսկ լավագույն եռյակը եզրափակեց «Մաքլարեն»-ի ներկայացուցիչը` Քևին Մագնուսենը, ով նորամուտը նշեց «Ֆորմուլա-1»-ում:
Մրցաշարի գործող չեմպիոն Սեբաստիան Ֆետելը տեխնիկական խնդիրների պատճառով չավարտեց մրցումը: Ֆելիպե Մասան ու Կամույ Կոբայասին պայքարից դուրս մնացին միմյանց բախվելու պատճառով:
Հավելենք` մրցաշարի պաշտոնական կայքը հայտնել է, որ Ռիկարդոն կարող է զրկվել երկրորդ տեղից, քանի որ ավտոարշավի ընթացքում «Ֆորմուլա-1»-ի մի շարք կանոններ է խախտել:
Ավստրալիայի Գրան պրի
1. Նիկո Ռոսբերգ («Մերսեդես») — 57 շրջան
2. Դանիել Ռիկարդո («Ռեդ Բուլ») +24,5
3. Քևին Մագնուսեն («Մաքլարեն») +2,2
4. Ջենսոն Բատոն («Մաքլարեն») +3,2
5. Ֆերնանդո Ալոնսո («Ֆերարի») +5,2
6. Վալտերի Բոտաս («Ուիլիամս») +12,3
7. Նիկո Հյուլկենբերգ («Ֆորս Ինդիա») +3,0
8. Կիմի Ռայկոնեն («Ֆերարի») +6,9
9. Ժան-Էրիկ Վերն («Տորո Ռոսո») +2,7
10. Դանիել Կվյատ («Տորո Ռոսո») +3,1
