Վերաքննիչ քրեական դատարանում այսօր կայացել է Ռոբերտ Քոչարյանի և մյուսների գործով քննությունը, որին ներկա է եղել նաև Գլխավոր դատախազը: Արթուր Դավթյանն անդադառնալով նախորդ դատական նիստում Ռոբերտ Քոչարյանի այն հայտարարությանը, թե իր գործը կարված է, և յուրաքանչյուրն իր արածի համար պատասխան է տալու, ուշագրավ դիտարկում է արել՝ նշելով. «Ես շատ խորհրդանշական եմ համարում, որ այդպիսի հայտարարություն է անում այսօր մեղադրյալ, իսկ մեղսագրվող հանցանքների պահին ՀՀ նախագահ հանդիսացած անձը: Ես կարծում եմ, որ սա արդեն իսկ վկայում է բավական լուրջ արդյունքների մասին, և ժողովրդական այն անվիճելի խոսքի մասին, որ, այո՛, ամեն մարդ իր արածի համար պատասխան է տալու»:
Թեմայի շուրջ «Առաջին լրատվական»-ի հետ քննարկմանը մասնակցեցին վերլուծաբան Հակոբ Բադալյանը, քաղտեխնոլոգ Կարեն Քոչարյանը և քաղաքագետ Գոռ Մադոյանը:
«Դատկան գործընթացը դատախազի համար որոշակի քննություն է, մեծ տրամաչափի գործ է, և եթե մեղադրանքը չպաշտպանվի պատշաճ ձևով և հաջողության ընթացքով, ապա դա Գլխավոր դատախազի համար կարող է ընդհուպ կարիերա արժենալ… Եթե հանձնառություն է արվում հնչեղ մարտիմեկյան ողբերգության գործով, ապա պետք է լինել բարձրության վրա՝ մեղադրանքի առումով: Կարծում եմ՝ սա է դատախազի վարքագծի հիմնական շարժառիթը»,- նշեց Հ. Բադալյանը՝ անդրադառնալով դիտարկմանը, որ դատախազի վարքագծում նկատելի է խստություն: Նա նաև հավելեց, որ դատախազի խստությունը գուցե համարժեք պատասխան է Ռ. Քոչարյանի ագրեսիվ պաշտպանությանը:
Վերլուծաբանի դիտարկմամբ՝ Մարտի 1-ի գործի դատավարությունը փաստացի լինելու է նախկին իշխանության, արատավոր համակարգի դատավարությունը:
Կ. Քոչարյանի կարծիքով՝ քանի դեռ Ն. Փաշինյանի այլընտրանքը Ռ. Քոչարյանը և Ս. Սարգսյանն են, Փաշինյանը հավերժ լինելու է, Ռ. Քոչարյանը և Ս. Սարգսյանը հասարկության մեջ վարկանիշ չունեն:
«Նախկինում լինելով նույն համակարգի մեջ՝ ՀՅԴ-ն ու ԲՀԿ-ն ևս քաղաքական պատասխանատվություն ունեն Մարտի 1-ի գործով»,- ընդգծեց Հ. Բադալյանը՝ հավելելով, որ այս ուժերը փորձում են իրենց վերագտնել նոր իրավիճակում:
Մանրամասն՝ տեսանյութում: