Վաշինգտոնում կայանալիք Հայաստանի և Ադրբեջանի արտգործնախարարների հանդիպմանն ընդառաջ, որը տեղի է ունենալու հունիսի 20-ին, կայացել է Հայաստանի ԱԳ նախարարի հանդիպումը ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցչի հետ։ Նախ սկսենք նրանից, որ Ռուսաստանի արտգործնախարար Սերգեյ Լավրովի նախաձեռնությամբ Մոսկվայում կայացած հանդիպումից հետո շատ խոսվեց այն մասին, որ այսպես ասած Լավրովյան պլանի վերակաենդանացման փորձեր են արվում Ռուսաստանի ու Ադրբեջանի կողմից։ Այդ հանդիպումից հետո հայտնի դարձավ, որ Վաշինգտոնը ևս նման հանդիպում է նախաձեռնում։ Արդյոք ԱՄՆ-ի ակտիվությւոնը պայմանավորվա՞ծ է Լավրովյան պլանի հնարավոր վերակենդանացումը չեզոքացնելու և ներկայացնելու, որ բանակցային գործընթացի լոկոմոտիվը միայն Ռուսաստանը չէ։ Թեմայի շուրջ «Առաջին լրատվական»-ը զրուցել է քաղաքագետ Ստեփան Գրիգորյանի հետ:
«ՀՀ իշխանությունը պետք է բալանսավորի հայտարարությունները :Մոսկվայից բացի՝ Հայաստանը պետք է դուռը բաց թողնի նաև մյուսների համար»,-նկատեց Գրիգորյանը:
Անդրադառնալով երեկ «Առաջին լրատվական»-ին տված Մոդեստ Կոլերովի հարցազրույցին, քաղաքագետը արձագանքեց․ «Կոլերովը լկտի պատասխան է տվել: Նախկին իշխանությունները Մոսկվային սովորեցրել են, որ մենք պետք է կզած լինենք: Հայ-ռուսական հարաբերությունները պետք է շտկել»: