Այսօր՝ հունիսի 18-ին, Ազգային ժողովում հրավիրել է 7-րդ գումարման 2-րդ նստաշրջանը: ԱԺ պատգամավորների հայտարարությունների ժամին «Բարգավաճ Հայաստան» խմբակցության պատգամավոր Նաիրա Զոհրաբյանը հայտարարեց, որ Հայաստանում անցկացված հարցման արդյունքներով՝ սոցցանցերում սեռապաթոլոգիկ հայհոյանքներ շաղ տվող օգտատերերը ունեն Ֆրոյդի աղյուսակի բոլոր կոմպլեքսները, իսկ հայհոյող տղամարդիկ տառապում են նաև Էդիպի կոմպլեքսով. «Այս խավի մոտ անվրեպ աշխատում է Պավլովյան բնազդը՝ բանական միտքը նրանց դասակարգային թշնամին է»:
Նրա խոսքով՝ արտաքին աշխարհում պարտվելու առաջին քարը դրվում է այն ժամանակ, երբ քո ներսում թշնամու հավերժական փնտրտուք է. «Ով չի ալարում՝ խոսում է հիբրիդային պատերազմից: Այսօր շատ վտանգավոր ուրվական է շրջում Հայաստանում՝ ներքին թշնամանքի ուրվականը: Ցավալին այն է, որ հասարակության մի մեծ խավի մոտ այդ ուրվականի կենսաբանական պահանջը կա»:
Նրա խոսքով՝ Բեռլիոզի հնչյունների տակ հրապարակային կախաղան փարթի կազմակերպելը հասարակության մի հատվածի երաժշտական նախասիրությունն է:
Մանրամասները՝ տեսանյութում: