Լուրեր
Բարձր եմ գնահատում պարոն Բաբաջանյանի առողջ քննադատությունը. Ալեն Սիմոնյան
  • 15:41
  • 2019-06-18
  • Դիտումներ՝ *

Այսօր՝ հունիսի 18-ին, Ազգային ժողովում հրավիրել է 7-րդ գումարման 2-րդ նստաշրջանը: Այժմ քննարկվում է Սահմանադրական դատարանի դատավորի ընտրության հարցը: ՀՀ նախագահը ՍԴ դատավորի թափուր տեղի համար առաջադրել է Վահե Գրիգորյանի թեկնածությունը:

ԱԺ փոխնախագահ Ալեն Սիմոնյանը իր ելույթում հայտարարեց, որ բավական բարձր է գնահատում առողջ քննադատությունը: «Դրա վառ օրինակն էր պարոն Բաբաջանյանի թեզերը»,- ասաց նա՝ նկատի ունենալով «Լուսավոր Հայաստան» խմբակցության պատգամավոր Արման Բաբաջանյանի ելույթը:

Նա վստահեցրեց, որ որևէ մեկը աղուհացով չի դիմավորվել ու դիմավորվելու, եթե Հայաստանի Հանրապետության վարկի և օրենսդրության հետ խնդիր է ունեցել կամ ունենալու. «Իրենք այսօր կամ վաղը միանշանակ կանգնելու են օրենքի առջև և պատասխան են տալու՝ անկախ նրանից, թե որտեղ են փորձում գալ և մեր գործընկերների կողքը կանգնել ու լուսանկարվել»:

Ալեն Սիմոնյանը բոլորին կոչ արեց. «Չփորձեք մեզ հետ լուսանկարվելով պաշտոն կամ ինդուլգենցիա ստանալ և ինչ-որ բանից փորձել խուսափել»:

Անդրադառնալով «Լուսավոր Հայաստան» խմբակցության մեկ այլ պատգամավորի՝ Տարոն Սիմոնյանի ելույթին՝ ԱԺ փոխնախագահն ասաց. «Ես այդտեղ ճշմարտություն չտեսա»:

Խոսելով նախկին ոչ լեգիտիմ ընտրությունների մասին և դիմելով «Բարգավաճ Հայաստան» խմբակցության պատգամավոր Գևորգ Պետրոսյանին՝ Ալեն Սիմոնյանն ասաց. «Մենք այդ հարցին անդրադառնալու ենք՝ թե ովքեր են այս դահլիճում հայտնվել ընտրակաշառքի, իշխանության լծակներն օգտագործելու միջոցով»:

 

Մանրամասները՝ տեսանյութում:

  • Դիտումներ՝ *