Հնդկաստանի ոստիկանությունը Գանգես գետի ափին հայտնաբերել է 42-ամյա կասկադյոր Չանչալ Լահիրի դին:
Հայտնի իլյուզիոնիստ Չանչալ Լահիրին անհետ կորել էր գետում, երբ փորձել էր կրկնել Հարրի Հուդինիի հայտնի հնարքը:
Լահիրին, որ նաև հայտնի է որպես Հրաշագործ Մանդրեյք, շղթայված է եղել և վեց կողպեքով փակված: Նրան այդ վիճակով նավակից իջեցրել են Հուգլի գետը: Նախատեսված էր, որ նա կարող էր ազատվել կապանքներից և ջրի երես դուրս գալ:
Երբ աճպարարը ջրից դուրս չի եկել, հյարքի անցկացման վայրում հավաքված մարդիկ ոստիկանություն են կանչել։
20 տարի առաջ Լահիրին նման հնարք է ցուցադրել՝ ապակե արկղի մեջ փակված իջնելով ջրի հատակը։ Այն ժամանակ հնարքը հաջողությամբ է պսակվել։