այսօր մեկնարկել է «Հայաստան» համահայկական հիմնադրամի հոգաբարձուների խորհրդի տարեկան ժողովը: Նիստի սկզբում նախ հարգել են ֆրանսահայ նշանավոր երգիչ, երգահան, բանաստեղծ, գրող, կինոդերասան և հասարակական գործիչ Շառլ Ազնավուրի հիշատակը, ապա աղոթք է հնչել: Հետո սկսվել է բուն նիստի աշխատանքը: «Հայաստան» համահայկական հիմնադրամը միայն 2018 թվականին իրականացրել է շուրջ 100 ծրագիր: 1992 թվականից սկսած հիմնադրամը բազմաթիվ ծրագրեր է նախաձեռնել Հայաստանում և Արցախում։
«Մեր նոր կայքն էլ կներկայացնեն, որն առայժմ օն-լայն տարբերակում դրված չէ, բայց մի քանի օրից կունենանք»,- լրագրողների հետ զրույցում ասել է «Հայաստան» համահայկական հիմնադրամի գործադիր տնօրեն Հայկակ Արշամյանը:
Ըստ գործադիր տնօրենի՝ հիմնադրամի ռազմավարության հիմնական շեշտադրումն այն է, որ այն պետք է լինի հայության, այսպես ասած, առանցքում՝ փորձելով որքան հնարավոր է ներառական լինել: