Մեծ Բրիտանիայի Եղիսաբեթ II թագուհու ամուսինը՝ 98-ամյա արքայազն Ֆիլիպը, թոռանը՝ արքայազն Հարիին, խորհուրդ է տվել չամուսնանալ ամերիկացի դերասանուհի Մեգան Մարքլի հետ, հաղորդում է The Sun-ը:
«Դերասանուհիների հետ դավաճանում են, բայց նրանց հետ չեն ամուսնանում»,- իբր, թագուհու ամուսինն ասել է թոռանը, նշելով, որ ընտրության հարցում պետք է ավելի զգույշ լինել:
Սակայն Հարին չի լսել պապիկին. նրա և Մեգան Մարքլի հարսանիքը տեղի է ունեցել 2018թ.-ի մայիսի 19-ին։ Արքայազն Ֆիլիպը մասնակցել է արարողությանը, չնայած այն հանգամանքին, որ դրանից կարճ ժամանակ առաջ ազդրի հատվածում վիրահատության է ենթարկվել։
Ըստ պարբերականի տեղեկությունների՝ Էդինբուրգի դուքսի խորհուրդը չի վատացրել թոռան ու պապիկի բարի հարաբերությունները։ Արքայազն Ֆիլիպն առաջիններից էր, ով տեսել է արքայազն Հարիի և Մեգան Մարքլի նորածին որդուն, որը լուս աշխարհ է եկել մայիսի 6-ին։
Արքայազն Ուիլյամը ևս անհանգստություն է արտահայտել Հարիի և Մեգան Մարքլի հարաբերությունների վերաբերյալ։ Ըստ The Sun-ի տեղեկությունների, արքայազն Հարիի հետ խոսել են այլ հարազատներ ևս, սակայն նա «ետ չի կանգնել իր որոշումից»։
