Միացյալ Նահանգներն անկայունության գլխավոր աղբյուրն է Պարսից ծոցի գոտում և պետք է հեռանա այդ տարածաշրջանից: Այս հայտարարությամբ, ինչպես հայտնել է Sky News Arabia հեռուստաալիքը, հունիսի 17-ին հանդես է եկել Իրանի Ազգային անվտանգության բարձրագույն խորհրդի քարտուղար Ալի Շամխանին՝ գրում է TASS-ը:
«Մենք միշտ ասել ենք ու վերստին կրկնում ենք, որ մենք երաշխավորում ենք անվտանգությունը Պարսից ծոցում և Հորմուզի նեղուցում»,- նշել է Շամխանին:
Նա նաև պահանջել է ԱՄՆ-ից՝ «ավարտել իր զորքերի ներկայությունը տարածաշրջանում, քանի որ հենց նա է ճգնաժամի ու անվտանգության հիմնական աղբյուրը»: Իրանի Ազգային անվտանգության բարձրագույն խորհրդի քարտուղարի հայտարարությունը հնչել է Պարսից ծոցի գոտում ծայրահեղ լարված իրադրության ֆոնին, որն ստեղծվել է Օմանի ծոցում լցանավերի պայթեցման միջադեպից հետո և այն հայտարարությամբ, որ Թեհրանը մտադիր է հերթական միջոցները ձեռնարկել իրանական միջուկային ծրագրի վերաբերյալ Գործողությունների համատեղ համապարփակ ծրագրի շրջանակում: