Ցանկացած դատավոր, որը գործ է ունենում Ռոբերտ Քոչարյանի գործի հետ, հասկանում է, թե ինչ տեղի կունենա, եթե այդ դատական ակտը դուր չգա այսօրվա գործադիր կամ օրենսդիր իշխանությանը։ Այս մասին այսօր՝ հունիսի 17–ին լրագրողների հետ հանդիպմանը հայտարարեց ՀՀ երկրորդ նախագահ Ռոբերտ Քոչարյանի պաշտպանական խմբի անդամ, փաստաբան Հայ Ալումյանը։
«Բոլորիս համար հասկանալի է, թե ինչ վիճակում է գտնվում Վերաքննիչ քրեական դատարանի դատավորը, որը քննում է Քոչարյանի և մյուսների գործով առաջին ատյանի դատարանի դեմ տուժողների և դատախազության բողոքը։ Ես շատ փաստաբանների հետ չեմ շփվել, սակայն որևէ երկրի փաստաբանից չեմ լսել, որ դատարանների նկատմամբ նման վերաբերմունք դրսևորված լինեն, նույնիսկ ժողովրդավարական առումով ամենահետամնաց համարվող պետությունները»,–ասաց նա։
