Հունիսի 15-ին Մոլդովայի նոր վարչապետ Մայա Սանդուն հայտարարել է, որ կառավարությունը կանի ամեն ինչ, որպեսզի փախուստի մեջ գտնվող քաղաքական գործիչներին վերադարձնի երկիր:
Սանդը հայտարարել է, որ Դեմոկրատական կուսակցության առաջնորդները չեն կարողանա հանգիստ ապրել՝ գրում է Point-ը:
«Ես տեսել եմ մի քանի ռումին քաղաքական գործիչների, որոնք գնացել էին Կոստա Ռիկա, և նրանց արտահանձնել էին, աշխարհում շատ չեն այն վայրերը, որտեղ նրանք կարող են թաքնվել»,- ասել է Մոլդովայի վարչապետը:
Նա նաև նշել է, որ երկրում կստեղծվի անկախ դատախազություն, որը պահանջելու է նրանց արտահանձնումը և պատիժը:
«Ակնհայտ է, որ կա նրանց կողմից ռևանշի փորձի հնարավորություն, նրանք կարող են վերադառնալ և փորձել վերականգնել իրենց ուժը, բայց դա շատ դժվար կլինի նրանց համար, քանի որ քաղաքացիները զգացին ազատության համը, և ես վստահ եմ, որ մենք երբեք թույլ չենք տա որևէ մեկին անել այն, ինչ արեց Պլախոտնյուկը», – նշել է Սանդուն:
Հիշեցնենք, որ Մոլդովայի Դեմոկրատական կուսակցության մամլո ծառայությունը հայտարարել է, որ կուսակցության առաջնորդ և օլիգարխ Վլադիմիր Պլախոտնյուկը մի քանի օրով հեռացել է երկրից և մեկնել իր ընտանիքի մոտ։
