Լուրեր
Քերոբները դեմ են խուժաններին, նրանք կարդացած և խելացի մարդիկ են

Տարիներ առաջ «Որոգայթ» սերիալը մեծ հաջողություն ունեցավ. բնականաբար կային և՛ համակիրներ, և՛ քննադատողներ: Քննադատողները պնդում էին, որ ժարգոնային խոսքը և բարքերը ներթափանցեցին մեր հասարակության տարբեր շերտեր և խեղաթյուրեցին հատկապես երիտասարդների պատկերացումները մշակույթի արժեքների վերաբերյալ: «Որոգայթ» ֆիլմում նկարահանված դերասան Հարություն Մովսիսյանն «Առաջին լրատվական»-ի հետ զրույցում ասաց. «Երբ որ «Կնքահայրը» ֆիլմը էկրան բարձրացավ, և մենք տեղյակ եղանք, այդ կասետը ձեռքից ձեռք էր խլվում, և ես դրան շատ սովորական էի նայում: Դե ես Աճեմյանի աշակերտն եմ, անցել եմ դպրոց, և առաքելություն ունեմ կուրս հավաքելու, փոխանցելու իմ գիտելիքը: Խորեն Աբրահամյանը, Մհեր Մկրտչյանը, Սոս Սարգսյանը… դերասաններ, որոնք ինձ համար շատ ուժեղ էին, լուրջ մարդիկ էին, և իրենք կյանքում, իրենց ժամանցային պահերին էլ շատ հումորով էին, իմաստուն, և ես նրանցից շատ բան էի վերցնում: Նրանք միշտ ասում էին՝ ափսոս, մի մաֆիոզի դեր չխաղացինք… Եվ դա իմ ուղեղի մեջ մտավ, բայց չէի մտածում, որ այդպիսի բան տեղի կունենա: Երբ ինձ կանչեցին «Շանթ»-ից՝ «Վերվարածներ» սերիալում նկարահանվելու, ես ասացի՝ ուզում եմ քրեական աշխարհի մարդու կերպար խաղալ, որովհետև այդ թեման մեզ մոտ չի շոշափվել: Ես գիտեի, որ առաջինն եմ լինելու… Մաֆիոզական աշխարհը կար, բայց թաքցվում էր Սովետի ժամանակ, ես գտնում եմ, որ որևէ բան ծածուկ պահել չի կարելի»:

Անդրադառնալով դիտարկմանը, որ մաֆիոզի կերպարը ձևավորեց մի ենթամշակույթ, որը սկսեց ներթափանցել երիտասարդների կյանք, Հ. Մովսիսյանը նշեց. «Հովիկի կերպարը մի կարևոր խոսք ուներ, անընդհատ ասում էր. «Այս աշխարհ մի՛ մտեք… Հովոյի կերպարում ինձ շատ էին սիրում: Ես դրական տարածության մեջ էի. Հովիկն արդարադատ էր»:
«Բեսպրեդել» մարդիկ կան, որոնք խառնում են ժողովրդին: Մաֆիոզները նրանց չեն սիրում, նրանց դեմ են… Քերոբները դեմ են խուժաններին, նրանք կարդացած և խելացի մարդիկ են»,- նշեց դերասանը:

«Ես գիտեմ, որ մի բան խաթարվել է մեր ժողովրդի մեջ, բայց թե ինչ, չգիտեմ»,- նշեց Հ. Մովսիսանը՝ միաժամանակ հույս հայտնելով, որ ժողովուրդը կվերագտնի իրեն՝ հայ ժողովուրդն իր գենի մեջ ունի համբերատարություն, իմաստնություն:

Մանրամասն՝ տեսանյութում:

  • Դիտումներ՝ *