Որոշում է կայացվել Բարձրագույն խմբի առաջնության 34-րդ տուրի «Լոռի» – «Փյունիկ» հանդիպման ավարտից հետո Վանաձորի ֆուտբոլի ակադեմիայի տարածքում տեղի ունեցած միջադեպի (ծեծկռտուքի) շուրջ անցկացված ծառայողական քննության վերաբերյալ:
«Լոռի ՖԱ» թիմի ֆուտբոլիստ Արսեն Սիուկաևը Վանաձորի ֆուտբոլի ակադեմիայի տարածքում ծեծկռտուքին մասնակցելու (մրցակցին բռունցքով հարվածելու) համար ՀՖՖ-ի կարգապահական կանոնակարգի 16-րդ հոդվածի 10-րդ կետի համաձայն որակազրկվել է 5 խաղով, Վանաձորի ֆուտբոլի ակադեմիա ՀԿ ակումբը՝ տուգանվել 100000 ՀՀ դրամով:
«Լոռի ՖԱ» թիմի ֆուտբոլիստ Ուիլյամս Իկեչուկվու Նվանին Վանաձորի ֆուտբոլի ակադեմիայի տարածքում ծեծկռտուքին մասնակցելու (մրցակցին բռունցքով հարվածելու) համար ՀՖՖ-ի կարգապահական կանոնակարգի 16-րդ հոդվածի 10-րդ կետի համաձայն որակազրկվել է 5 խաղով, Վանաձորի ֆուտբոլի ակադեմիա ՀԿ ակումբը՝ տուգանվել 100000 ՀՀ դրամով:
«Լոռի ՖԱ» թիմի բժիշկ Հովսեփ Պետրոսյանը Վանաձորի ֆուտբոլի ակադեմիայի տարածքում ծեծկռտուքին մասնակցելու (մրցակցին քարով հարվածելու) համար ՀՖՖ-ի կարգապահական կանոնակարգի 15-րդ հոդվածի 16-րդ կետի համաձայն որակազրկվել է 2 խաղով, Վանաձորի ֆուտբոլի ակադեմիա ՀԿ ակումբը՝ տուգանվել 50000 ՀՀ դրամով:
«Փյունիկ» թիմի ֆուտբոլիստ Էրիկ Վարդանյանը Վանաձորի ֆուտբոլի ակադեմիայի տարածքում ծեծկռտուքին մասնակցելու (մրցակցին քարով հարվածելու) համար ՀՖՖ-ի կարգապահական կանոնակարգի 16-րդ հոդվածի 10-րդ կետի համաձայն որակազրկվել է 5 խաղով, «Փյունիկ» ՖԱ ՀԿ-ն՝ տուգանվել 100000 ՀՀ դրամով:
«Փյունիկ» թիմի ֆուտբոլիստ Մոհամեդ Կոնատեն Վանաձորի ֆուտբոլի ակադեմիայի տարածքում ծեծկռտուքին մասնակցելու (մրցակցին ոտքով հարվածելու) համար ՀՖՖ-ի կարգապահական կանոնակարգի 16-րդ հոդվածի 10-րդ կետի համաձայն որակազրկվել է 5 խաղով, «Փյունիկ» ՖԱ ՀԿ-ն՝ տուգանվել 100000 ՀՀ դրամով: