Վաշինգտոնն անցնում է B ծրագրին, որը ենթադրում է «դիվանագիտության սաբոտաժ» և Իրանի դեմ տնտեսական ահաբեկչության քողարկում։ Այդ մասին են վկայում Իրանի դեմ ԱՄՆ-ի՝ առանց ապացույցների մեղադրանքները, ասել է երկրի ԱԳ նախարար Մոհամադ Ջավադ Զարիֆը։
Իր դիրքորոշումը Զարիֆը հրապարակել է Twitter-ում։ Դիվանագետը նշել է, որ ինքը զգուշացրելէ այդպիսի սցենարի մասին դեռևս մի քանի ամիս առաջ։
«Ոչ թե այն պատճառով, որ ես պայծառատես եմ, այլ որովհետև ես հասկանում եմ՝ ինչի է ձգտում B խումբը»,-ընդգծել է նա։
B խումբ Զարիֆն անվանում է ԱՄՆ նախագահի խորհրդական Ջոն Բոլթոնին, Իսրայելի վարչապետ Բենիամին Նեթանյահուհին, Սաուդյան Արաբիայի գահաժառանգ արքայազն Մուհամեդ բեն Սալմանին և ԱՄԷ-ի թագաժառանգ Մուհամեդ բեն Զաիդ Նահայանին։
Հինգշաբթի արաբական ԶԼՄ-ները հայտարարել են Օմանի ծոցում երկու լցանավի վրա հարձակման մասին։ ԱՄՆ-ն հայտարարել է, որ հարձակումն իրականացրել է Իրանը։
