Իսրայելի վարչապետ Բենյամին Նեթանյահուի կինը՝ Սառա Նեթանյահուն, պետությանը կվճարի 55 հազար շեքել (մոտ 14 հազար եվրո) թանկարժեք ուտեստների պատվերների համար։ Գլխավոր դատախազության և Նեթանյահուի միջև որոշումը կայացվել է հունիսի 12-ին։
Պայմանավորվածությունը պետք է հաստատի դատարանը։
Մեղադրական եզրակացության մեջ ասվում է, որ 2010-2013թթ․ ընկած ժամանակահատվածուն Նեթանյահուն իր տուն է պատվիրել 175 հազար շեքելի (մոտ 43 հազար եվրո) ուտելիք տարբեր ռեստորաններից, չնայած նրան, որ վարչապետի առանձնատանը խոհարար է աշխատել։ Խոհարարի ծառայությունները վճարվել են պետբյուջեից։
Դատախազները համարել են, որ վարչապետի կինը պատվերներ կատարելիս օգտվել է վարչապետի աշխատակազմի անդամների անտեղյակությունից։ Ինքը՝ Նեթանյահուի կինը հայտարարել է իր անմեղության մասին և պնդել, որ սնունդը պատվիրվել է անհայտ երրորդ անձանց կողմից՝ իր կամքին հակառակ։
