Միացյալ Նահանգները Լեհաստանին մեծաքանակ F-35 կործանիչներ կվաճառի: Նման հայտարարություն է արել նախագահ Դոնալդ Թրամփը, հաղորդում է Reuters-ը:
Գործակալությունը նշում է, որ Թրամփը նաև ասել է Լեհաստանի հնարավոր այցի մասին: Ժամկետներ դեռևս սահմանված չեն: Միևնույն ժամանակ, ԱՄՆ նախագահը շեշտել է, որ դեռ չի որոշել, արդյոք անհրաժեշտ է լրացուցիչ ամերիկյան զորքեր ուղարկել երկիր:
Հունիսի սկզբին, «ՌԻԱ Նովոստին», վկայակոչելով սեփական աղբյուրը, տեղեկացրել է, որ Լեհաստանի իշխանությունները ցանկանում են որքան հնարավոր է շուտ ամերիկյան F-35 կործանիչներ ստանալ, եթե ԱՄՆ-ը հրաժարվի դրանք Թուրքիա մատակարարել:
Միացյալ Նահանգները մի քանի անգամ վերջնագիր է ներկայացրել Թուրքիային. եթե Անկարան չհրաժարվի C-400-ի ձեռքբերումից, Վաշինգթոնը կչեղարկի F-35 կործանիչներ մատակարարումը: Միացյալ Նահանգներում և ՆԱՏՕ-ի անդամ այլ երկրներում մտավախություն ունեն, որ եթե Թուրքիայի զինանոցում լինի ինչպես C-400 համակարգեր, այնպես էլ F-35 կործանիչներ, ապա ռուսական ռադարային համակարգերը կսովորեն հայտնաբերել և հետևել ամերիկյան կործանիչներին:
