Լուրեր
Փաշինյանն ու Բ. Սահակյանը պետք է դեմ առ դեմ խոսեն. եթե խորը հակասություն է առաջանում՝ մեկնումեկը պետք է հրաժարական տա
  • 12:25
  • 2019-06-11
  • Դիտումներ՝ *

«Մամուլի հետ սուրճ» հաղորդման հունիսի 11-ի հյուրը «Երկիր մեդիա» հեռուստաընկերության «Երկրի հարցը» հաղորդաշարի հեղինակ և վարող Դավիթ Սարգսյանը։

Մեր զրուցակիցն անդրադարձավ Արտակ Զեյնալյանի հրաժարականին և նրա տված պատճառաբանությանը, թե տեղեկատվական հոսքերին հետևելով է նման որոշում կայացրել.«Արտակ Զեյնալյանը մեր կառավարությունում աղմկահարույց պաշտոնյա է, եթե դ ալիներ ոչ աղմկահարույց քաղաքական իրադարձությունների հետ կապված մի պաշտոնյա՝ օրինակ գյուղնախարար, միգուցե շատ չքննարկվեր՝ դրվեր պրոֆեսիոնալիզմի կամ ոչ պրոֆեսիոնալիզմի հարցը։ Շատ կարևոր է հասկանալ՝ այստեղ քաղաքական պատասխանատվությա՞ն, թե՞ պրոֆեսիոնալիզմի հարցն է դրված։ Պարոն Զեյնալյանի բացատրությունը ավելի շատ հարցեր առաջացրեց, մեծ հաշվով նա որևէ բան չասաց»։

Դավիթ Սարգսյանի հետ քննարկեցինք նաև Արցախի ԱԽ քարտուղար Վիտալի Բալասանյանի հնարավոր հրաժարականի հարցը և այն մեկնաբանություններին, թե այդ պարտադրված է եղել ՀՀ իշխանությունների կողմից՝ ֆինանսատնտեսական համագործակցությունը դադարեցնելու սպառնալիքով.«Ես չէի ուզի հավատալ այդ վարկածին, եթե դա ապացուցվի, ապա կլինի խայտառակություն։Այսինքն՝ ՀՀ ընտրված իշխանությունները պահաջ են ներկայացնում Արցախի ընտրված իշխանություններին բարձրագույն ներկայացուցչի հրաժարականի համար՝ հակառակ դեպքում բյուջեից հատկացումներ չեն արվի…ընդհանուր առմամբ ՀՀ և Արցախի իշխանությունների հռետորաբանությունը մտահոգիչ է»։

  • Դիտումներ՝ *