Իրանի արտգործնախարար Մուհամեդ Ջավադ Զարիֆը հայտարարել է, որ Իսրայելի կողմից իրանական ժողովրդին ուղղված սպառնալիքներն անընդունելի են, հաղորդում է The Jerusalem Post-ը:
Դիվանագիտական գերատեսչության ղեկավարը նշել է, որ Իսրայելի վարչապետ Բենիամին Նեթանյահուն սպառնացել է ոչնչացնել Իրանը, ինչը համապատասխան պատասխանի կարժանանա: Զարիֆն իր հայտարարության մեջ նաև նշել է, որ «Իսրայելը և Միացյալ Նահանգները Մերձավոր Արևելքում արմատական հիմնախնդիրների հիմնական աղբյուրներն են» և ամերիկացիներին մեղադրել է ողջ տարածաշրջանի դեմ հանցագործության մեջ:
Տեղեկացվում է, որ այս հայտարարություններն արվել են Գերմանիայի արտաքին գործերի նախարար Հայկո Մաասի հետ Զարիֆի հանդիպման ժամանակ, որտեղ քննարկել են միջուկային գործարքի ապագան՝ դրանից Միացյալ Նահանգների դուրս գալուց հետո: