Լուրեր
Աբովյանում ՔՊ-ի պարտության պատճառը «մի փոքր էլ տեղական իշխանության չափազանց ակտիվությունն էր». «Իմ քայլի» պատգամավոր
  • 14:00
  • 2019-06-10
  • Դիտումներ՝ *

«Մամուլի հետ սուրճ» հաղորդման հունիսի 10-ի հյուրը «Իմ քայլը» խմբակցության պատգամավոր Թագուհի Թովմասյանն է։

Մեր զրուցակիցն անդրադարձավ իշխող քաղաքական ուժի Աբովյանում կրած պարտությանը և նշեց.«Ես այդպես դրամատիկական երանգներով իրավիճակը չէի բնորոշի։ Ընտրություններում լինում են հաղթող և պարտվող կողմեր,ես ամենևին չէի նշի, որ իշխանությունը պարտվեց։ Իշխանությունը կարողացել է երկրում այնպիսի իրավիճակ ստեղծել, որ ընտրությունները չեն կեղծվում»։

Թագուհի Թովմասյանն ընդգծեց.«Այսօր տեսանք, որ աբովյանցին իր ձայնը տվեց այն թեկնածուին, որին ցանկանում է և որևէ մեկի մտքով չանցավ այդ տվյալները սարքել իր համար ցանկալի տվյալներ։ Նորմալ է, միայն վատն այն է, որ մենք որոշակի հետևությունների կարիք ունենք։ Խնդիրը մի փոքր էլ տեղական իշխանության չափազանց ակտիվությունն էր։ Եթե մի փոքր ավելի պասիվ լինեին կամ այլ գործելաոճ ընտրեին՝ գուցե պատկերն այլ լիներ»։

  • Դիտումներ՝ *