Աբովյանի քաղաքապետի ընտրություններն անցել են օրենքի տառին համապատասխան: Այս մասին այսօր ԱԺ-ում լրագրողների հետ զրույցում հայտարարեց ԱԺ աշխատակազմի ղեկավար Էդուարդ Աղաջանյանը՝ անդրադառնալով երեկ կայացած ՏԻՄ ընտրություններին և Աբովյանում ԲՀԿ թեկնածուի հաղթանակին:
«Աբովյանցիների մեծամասնությունը, չնայած փոքր տարբերությամբ, կատարել է ընտրությունը, և մենք պարտավոր ենք հարգել այդ ընտրությունը»,- ասաց նա:
Ըստ Աղաջանյանի՝ սա չի վկայում, որ «Իմ քայլը» դաշինքի վարկանիշն անկում է ապրել, քանի որ խորհրդարանական և ՏԻՄ ընտրությունները տարբերվում են իրենց ծավալներով, ՏԻՄ-ն ունի որոշակի առանձնահատկություն.
«Անձնական ֆակտորը բավականին մեծ դեր ունի, և միգուցե տեղային որոշ անձանց կամ խմբերի ազդեցությունն այս ընտրություններում ավելի մեծ դեր ունի»: