Ղազախստանի նախկին ղեկավար Նուրսուլթան Նազարբաևն ասել է, թե ինչու է հրաժարվել երկրի նախագահի պաշտոնից, գրում է «ՌԻԱ Նովոստի»-ն։
Նազարբաևը հայտարարել է, որ այդպիսի որոշում է կայացրել հանուն երկրի կայունության։ Նա խոստովանել է, որ հրաժարականի մասին հայտարարելուց առաջ ինքը մանրակրկտորեն ամեն ինչի մասին մտածել է։
«Այս տարի կայացրած իմ որոշումը հավասարակշռված, նորմալ որոշում է՝ հանուն պետության կայունության»,-նշել է Նազարբաևը։
Նա հավելել է, որ դա արել է նաև 30 տարվա աշխատանքի արդյունքն ապահովելու համար։