Forbes ամսագիրը հրապարակել է ամենահարուստ կանանց վարկանշային աղյուսակը, որում երկու հայուհի կա: Հայուհի Քերոլայն Ռաֆայելյանը զբաղեցրել է 42-րդ հորիզոնականը: Նրա կարողությունը գնահատվում է 520 մլն դոլար: Նա «Alex and Ani» ոսկերչական բրենդի հիմնադիրն է:
Քերոլայնը հայ ներգաղթյալների թոռնուհի է: Նրա հայրը Ռոդ Այլենդում ամերիկյան դրոշով գնդասեղներ է պատրաստել: Այժմ Քերոլայնն այնտեղ ոսկերչական իրեր է պատրաստում:
Սոցցանցերի թագուհի, ռեալիթի շոուի աստղ Քիմ Քարդաշյանը զբաղեցրել է 57-րդ տեղը 370 մլն դոլար կարողությամբ: Նրա եկամտի մեծ մասն ապահովում են կոսմետիկական «KKW» Beauty ընկերությունը, որի վաճառքի ծավալներն անցած տարի կազմել են ավելի քան 100 մլն դոլար:
80 կանանց ցուցակը երկրորդ տարին անընդմեջ գլխավորում է American Builders & Contractors Supply Co ընկերության հիմնադիրներից մեկը՝ Դայան Հենդրիքսը, որն անցած տարի իր կարողությանը 2,1 մլրդ դոլար էր ավելացրել:
Վարկանիշային աղյուսակի մասնակիցների տարիքը 21-92 է, եւ նրանց ընդհանուր կարողությունը կազմում է 81,3 մլրդ դոլար: