Քիչ առաջ Ֆեյսբուքի մարքեթինգի թիմը պաշտոնապես հայտարարել է տեսազանգերի ծառայությունը գործարկելու մասին: Սոցցանցի պաշտոնական բլոգում տարածված տեղեկատվության համաձայն` ամիսներ առաջ Skype-ի թիմի հետ սկսված համատեղ աշխատանքը տվել է իր արդյունքը և այժմ Ֆեյսբուքի շուրջ 750 միլիոն օգտատերեր կկարողանան կապվել իրենց ընկերների հետ նաև տեսազանգի միջոցով: Դրա համար անհրաժեշտ է համակարգչի մեջ տեղադրել համապատասխան փլագինը, որը կարող ենք ներբերռնել այստեղից: Ապա, ընտրելով ընկերներից որևէ մեկին և սեղմելով «վիդեո» կոճակը` հրավիրում եք նրան տեսաչաթի: Փլագինը տեղադրելուց հետո Ձեր ընկերը պատրաստ է ժպտալ և պատմել, թե ինչպես է անցկացրել իր օրը:
Նշվում է, որ այժմ հասանելի նաև խմբակային տեքստային չաթը: Դուք ընտրում եք Ձեր առցանց ընկերներին և նրանց հետ միասին քննարկում ինչ ցանկանաք: Նախկինում այս հնարավորությունը տրված էր միայն խմբերի անդամներին:
