Լուրեր
Ձվի մեջ մազ են փնտրում. Սունդուկյանի թատրոնից կրճատվածները վրեժխնդիր են լինում. Ջուլիետա Ստեփանյան

«Մշակույթը շատ անհրաժեշտ է, հոգևոր սնունդ է, կրթող է և դաստիարակող: Հայաստանում մի քիչ այլ կերպ է: Մշակույթին պետք է տեր կանգնել, մշակույթը պետք է ունենա պետական հովանավորություն, մեկենասներ պետք է լինեն, մշակույթի գործիչները նույնիսկ անձնական հովանավորներ պետք է ունենան, ինչը սակայն բացակայում է»,- «Առաջին լրատվական»-ի հետ զրույցում այս մասին ասաց դերասանուհի Ջուլիետա Ստեփանյանը՝ հավելելով, որ հենց այսօր էլ Սունդուկյանի անվան ազգային ակադեմիական թատրոնում ներկայացում է բեմադրվում, բայց պետական ֆինանսական աջակցություն չունենալու պատճառով կանգնել է աշխատանքը: «Սունդուկյանի անվան ազգային ակադեմիական թատրոնի հարցը փոքր հարց չէ, դա մասշատաբային հարց է»,- նշեց դերասանուհին:

«Հեղափոխությունից հետո մեր թատրոնում էլ հեղափոխություն տեղի ունեցավ,- հավաստիացրեց Ջ. Ստեփանյանը:- Մենք հիմա ունենք երիտասարդ, բանիմաց տնօրեն՝ Վարդան Մկրտչյանը, և ճանաչված, տաղանադավոր բեմադրիչ, գեղարվեստական գեղակավար՝ Արմեն Էլբակյանը: Երկուսի ներկայությամբ թատրոնը շունչ առավ, ոտքի կանգնեց: Հիմա թատրոնը շատ կարգին վիճակում է: Վ. Մկրտչյանն անմիջապես գտավ հովանավոր, բերեց ֆինանսներ, թատրոնում իրար հետևից բեմադրություններ են արվում»:

Խոսելով առկա խնդիրներից՝ դերասանուհին նշեց, որ սունդուկյանցիների սերուցքը հիացած է նոր տնօրենի աշխատանքով, բայց թատրոնում կրճատումներ են եղել, որոնք պատճառաբանված են եղել. «Եվ անձնական վրեժխնդրությունից դրդված՝ կրճատված մարդիկ ընկել են տնօրենի ետևից, դիմում են ինչ-որ կազմակերպությունների, և այդ կազմակերպության ներկայացուցիչները ստուգումներ են անցկացնում, անընդհատ մտնում են՝ ներկայացումից առաջ, հետո, փորձերի ժամանակ, չգիտես՝ ինչ են փնտրում, խանգարում են ստեղծագործական աշխատանքը: Մեր թատրոնը վերջապես շնչում է, ինչո՞ւ եք ընկել տնօրենի ետևից, ո՞ւմ եք ուզում բերել»:

Մանրամասն՝ տեսանյութում:

  • Դիտումներ՝ *