Ադրբեջանցի բանկիր Ջահանգիր Հաջիևի կինը՝ Զամիրա Հաջիևան շոփինգի համար օրական 600 000 ֆունտ ստեռլինգ է ծախսել: Հաջիևան ուշադրության կենտրոնում է հայտնվել Harrods-ում մեծ գումարներ վատնելուց հետո: Մեծ Բրիտանիայի իշխանությունները պահանջում են բացահայտել եկամտի աղբյուրը, հաղորդում է AP-ը:
55-ամյա Հաջիևան, մասնավորապես, 4 մլն ֆունտ ստեռլինգ է ծախսել Boucheron ոսկերչական բուտիկներում, 1.75 մլն ֆունտ՝ Cartier-ում, 1 մլն ֆունտ՝ Harrods խաղալիքների խանութում, 250 000 ֆունտ՝ օծանելիքի բաժնում, 30 000 ֆունտ՝ բելգիական Godiva շոկոլադների համար, 2400 ֆունտ՝ գինու և ալկոհոլային խմիչքների համար: Նա նաև հայտնի նորաձևության ապրանքանիշերի հագուստ է գնել, այդ թվում՝ Dennis Basso, Celine, Fendi և Christian Dior:
Մեծ Բրիտանիայի իշխանությունները ցանկանում են իմանալ, թե ինչ միջոցներով է զույգը ձեռք բերել Նայթսբրիջի 11.5 մլն ֆունտ արժողությամբ տունը և 10.5 մլն ֆունտ արժողությամբ գոլֆ ակումբը՝ Ասկոտեում:
Քննիչները նաև նշում են, որ զույգն օգտվում էր 42.5 մլն դոլար արժողությամբ Gulfstream G550 ինքնաթիից, որը գնել էր Հաջիևի հետ կապ ունեցող ընկերությունը:
Հաջիևայի ամուսինն Ադրբեջանի Միջազգային բանկի պետական վերահսկողության ղեկավարներ էր 2001 թ.-ից: 2015 թ.-ին նա հրաժարական տվեց, ապա 15 տարվա ազատազրկման դատապարտվեց խարդախության համար:
Հաջիևային կարող են արտահանձնել Ադրբեջանին:
