«Ես պատրաստ եմ նույնիսկ այս կառավարության պայմաններով ներգրավվել Ադրբեջանի հետ բանակցային գործընթացով»,- հայտարարել է Վրաստանի նախկին նախագահ Միխայիլ Սահակաշվիլին:
Նրա խոսքերով` պետք է անցկացվեն հիմնարար բանակցություններ, երկու կողմերը պետք է հաշվի առնեն միմյանց շահերը: Ինքը՝ Սահակաշվիլին, պատրաստակամություն է հայտնել անմիջապես ընդգրկվել Դավիթ Գարեջիի շուրջ ընթացող բանակցություններում` անգամ չունենալով պաշտոն` լուծել հիմնախնդիրը:
«Հիմնարար բանակցությունները պետք է տեղի ունենան այստեղ, երկու կողմերը պետք է հաշվի առնեն միմյանց շահերը, ի վերջո, գործ ունենք մարդկային գործոնի հետ: Իվանիշվիլիները գալիս և անպայման հեռանում են, բայց վրացի ու ադրբեջանցի ժողովուրդները մնում են: Մենք եղբայրական ազգեր ենք, և նրանք բազմիցս հաստատել են դա վերջին շրջանում»,- ասել է Սահակաշվիլին ֆեյսբուքյան ուղիղ եթերում։
«Սահակաշվիլին դրա համար ուներ 9 տարի, սակայն, ինչպես տեսնում ենք, նա դա չարեց»,- հայտարարել է Վրաստանի խորհրդարանի խոսնակ Իրակլի Կոբախիձեն` մեկնաբանելով Սահակաշվիլիի հայտարարությունը:
